На дарогах Беларусі ўвялі часовае правіла для кіроўцаў
2- 25.05.2026, 14:03
ДАІ патрабуе ўключаць бліжняе святло або дзённыя хадавыя агні.
Міністэрства ўнутраных спраў Беларусі праводзіць з 25 мая па 5 чэрвеня акцыю «Увага — дзеці!», у ходзе якой ДАІ будзе праводзіць «прафілактычныя мерапрыемствы» і рэйды, а таксама патрабуе ў светлы час сутак уключаць дзённыя хадавыя агні або бліжняе святло фар аўтамабіляў.
Правілы дарожнага руху ў Беларусі (у пункце 166) патрабуюць уключаць дзённыя хадавыя агні або бліжняе святло ў светлы час толькі ў пэўных выпадках — для матацыклаў, мапедаў, транспартных калонаў, пры перавозцы групы дзяцей або небяспечных грузаў... Сярод патрабаванняў — уключэнне бліжняга святла або хадавых агнёў у светлы час штогод з 25 мая па 5 чэрвеня і з 25 жніўня па 5 верасня.
У суседніх з Беларуссю краінах правілы больш строгія. Латвія, Літва, Польшча і Расія патрабуюць святла ў светлы час круглы год, ва Украіне бліжняе святло або хадавыя агні ў светлы час абавязковыя па-за населенымі пунктамі.
Ідэя ўключаць фары, калі і так светла, мае навуковае абгрунтаванне: гэта павышае бяспеку і памяншае верагоднасць аварый на 5–10%. Напрыклад, нядаўняе аўстралійскае даследаванне паказала, што дзённыя хадавыя агні зніжаюць рызыку аварый з удзелам некалькіх аўтамабіляў на статыстычна значныя 8,8%.
Сучасныя святлодыёдныя хадавыя агні спажываюць у 5–10 разоў менш энергіі, чым бліжняе святло, і практычна не ўплываюць на расход паліва — дадаюць да расходу хіба што сотыя долі літра на 100 км. Аўтамабілі з датчыкамі святла (якія пачалі масава ўсталёўваць у 2000-я) умеюць аўтаматычна пераключацца з дзённых агнёў на бліжняе святло. То бок у сучасных машынах можна ставіць святло ў рэжым Auto, калі няма незвычайных пагодных умоў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
