Расія трэці раз за тыдзень атакавала Кіеў балістыкай

У двух раёнах успыхнулі пажары, ёсць пацярпелыя.

У ноч на 8 ліпеня расійскія войскі атакавалі Кіеў балістычнымі ракетамі — трэці раз за тыдзень пасля атак 2 і 6 ліпеня. У сталіцы прагрымеў шэраг выбухаў яшчэ да аб'яўлення паветранай трывогі. Цягам ночы ў сталіцы тройчы абвяшчалі трывогу.

У выніку балістычнага ракетнага ўдару Расіі ўзніклі пажары ў Дзяснянскім і Святашынскім раёнах сталіцы.

У Святашынскім раёне успыхнуў пажар у адміністрацыйным будынку і складскіх памяшканнях. Дзве асобы пацярпелі, адзін з іх гаспіталізаваны.

Па іншым адрасе гарэў гаражны кааператыў. Таксама ў выніку абстрэлу пашкоджаныя адміністрацыйны будынак і трамваі.

У Дзяснянскім раёне адбыўся пажар у складскіх памяшканнях.

«На дадзены момант на ўсіх астатніх лакацыях пажары лакалізаваныя», — дадалі ў ДСНС.

На дадзены момант вядома пра двух пацярпелых у сталіцы. Аднаго з іх медыкі гаспіталізавалі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]