У Магілёве кіраўніка прадпрыемства будуць судзіць за заробкі ў канвертах

Шкода дзяржаве — больш за 349 тысяч рублёў.

Пракратура Магілёўскай вобласці накіравала ў суд крымінальную справу ў дачыненні да 42-гадовага жыхара Магілёва, які кіраваў прадпрыемствам па вытворчасці адзення і аксесуараў. Мужчыне інкрымінавана ўхіленне ад выканання абавязкаў падатковага агента і нявыплата абавязковых страхавых узносаў, што пацягнула шкоду ў асабліва буйным памеры.

Паводле даных следства, кіраўнік арганізаваў на прадпрыемстве неафіцыйнае працаўладкаванне работнікаў. Заробак супрацоўнікам выдаваўся наяўнымі, без афармлення ў бухгалтарскіх дакументах і без адлюстравання ў афіцыйнай справаздачнасці.

Устаноўлена, што з чэрвеня 2021 года па снежань 2023 года работнікам было выплачана больш за 700 тысяч рублёў «у канвертах». З гэтых сум не ўтрымліваўся падаходны падатак і не налічваліся абавязковыя страхавыя ўзносы ў Фонд сацыяльнай абароны насельніцтва.

У выніку дзяржаве была прычынена шкода на суму звыш 349 тысяч рублёў, што кваліфікуецца як асабліва буйны памер.

У ходзе расследавання абвінавачаны часткова кампенсаваў шкоду — больш за 300 тысяч рублёў.

Пракратура прыйшла да высновы аб абгрунтаванасці прад'яўленых абвінавачанняў і дастатковасці сабраных доказаў. Справа накіравана ў суд для разгляду. Мера стрымання ў выглядзе падпіскі аб нявыездзе і належных паводзінах пакінута без змяненняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]