«Як будуць разгортвацца падзеі на Блізкім Усходзе, ведае толькі адзін чалавек»

ЗША і Ізраіль узялі паўзу пасля дасягнення першых мэтаў.

Прэзідэнт ЗША Дональд Трамп абвясціў пра двухтыднёвае перамір’е з Іранам, заявіў пра гатоўнасць перайсці да фінальнай стадыі перамоваў. Пры гэтым Тэгеран вылучыў 10 умоваў, ад выканання якіх залежыць разблакаванне Армузскага праліву і далейшае развіццё сітуацыі.

Што насамрэч азначае гэтае часовае перамір’е паміж ЗША і Іранам? Пра гэта сайт Charter97.org пагутарыў з дырэктарам Цэнтра даследаванняў нацыянальнай устойлівасці ў Кіеве, былым саветнікам пасольства Украіны ў Канадзе і Кеніі Алегам Белакаласам:

— Думаю, мэты, якія на першым этапе ставілі перад сабой ЗША і Ізраіль, ужо дасягнутыя. І цяпер ім патрэбная паўза, каб вырашыць для сябе, што рабіць далей у гэтай сітуацыі. Магчыма, якраз у гэтым цяпер і палягае іх пазіцыя.

Што да Ірана, дык істотную шкоду нанеслі розным вайсковым базам і вытворчасцям. І тут ім таксама, напэўна, патрэбная пэўная паўза, каб сабрацца з думкамі і вырашыць, што рабіць далей.

— Наколькі вылучаныя Іранам умовы рэалістычныя і прымальныя для ЗША і Ізраіля?

— Гэтыя 10 патрабаванняў нагадалі мне торг на ўсходнім базары, калі загадзя выстаўляюцца відавочна непрымальныя ўмовы. Зразумела, што ЗША на такія патрабаванні, якія агучваў Іран, у прыватнасці наконт нейкіх рэпарацый, ніколі не пойдуць.

Але я думаю, што гэта торг, і ён пэўным чынам будзе працягвацца. Хутчэй за ўсё, калі сур’ёзныя перамовы і пачнуцца, то яны пачнуцца ў непублічнай плоскасці. Там даволі паспяхова, прынамсі пакуль, выступае пасярэднікам Пакістан. Магчыма, праз пасярэдніцтва Пакістана і пачнуцца практычныя прадметныя перамовы.

Гэта, хутчэй за ўсё, быў такі прапагандысцкі ўкід, каб паказаць, што Іран яшчэ гатовы супраціўляцца і ў прынцыпе нават лічыць сябе пераможцам. Што, шчыра кажучы, выглядае смешна.

— Як, на вашу думку, будзе далей развівацца сітуацыя на Блізкім Усходзе?

— Скажу шчыра: як будуць разгортвацца падзеі, мне здаецца, ведае толькі адзін чалавек — і гэта прэзідэнт ЗША Дональд Трамп. Будваць нейкія прагнозы ў гэтых умовах абсалютна непрадуктыўна. Толькі ён ведае, як будуць дзейнічаць Злучаныя Штаты. Магчыма, у пэўнай меры пра далейшыя планы дасведчаны і Ізраіль.

Але думаю, пакуль будзе дзейнічаць гэтае перамір’е, нейкія планы будуць толькі фармавацца. Магчымыя некалькі сцэнароў. Таму казаць пра развіццё падзей паводле нейкага аднаго сцэнару — як мінімум малапрадуктыўна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]