Кароль ужо абсалютна голы
13- Аббас Галлямов
- 8.04.2026, 8:59
- 5,796
Навошта трэба знішчаць уласную эканоміку?
Кароль ужо абсалютна голы, патрэбны толькі андэрсэнаўскі хлопчык, які публічна спытае: НАВОШТА ЯМУ ТАК ТРЭБНЫ ГЭТЫ ДАНБАС? Вось менавіта так, вялікімі літарамі, каб было больш зразумела.
Навошта трэба знішчаць уласную эканоміку, уласную сацыяльнасць, уласную будучыню, — каб захапіць невялічкі кавалак чужой выпаленай зямлі?! Выратаваць тамтэйшых жыхароў? Ды вывезіце ўжо адтуль тых, хто хоча жыць у Расіі, — той жа бізнес з задавальненнем аплаціць іх пераезд. Ці папросіце ў еўрапейцаў — яны дадуць.
Ці Пуціну трэба даказаць, што ён круты? Дык давайце грамадскасць арганізуе петыцыю, у якой будзе прапісана, што Пуцін круты і Расія — круцей няма куды. Калі абвясціць, што пасля збору ста мільёнаў подпісаў пад гэтай паперай вайна будзе спыненая, то краіна іх збярэ за месяц — толькі Інтэрнэт у той час, пакуль ідзе збор, не блакуйце.
Урэшце рэшт, бізнес можа прапанаваць Крамлю ўсталяваць у кожным населеным пункце краіны манумент у гонар Уладзіміра Крутога — так яго і назваць. Усё танней выйдзе, чым далей ваяваць.
Ці з дапамогай свайго ўпартства Пуцін спрабуе даказаць, што «Данбас — гэта НАША, расійская, зямля?» Баіцца саступіць, бо тады атрымаецца, што Украіне Данбас патрэбнейшы, а значыць, Пуцін хлусіў, калі абвяшчаў яго расійскім?
Пуцін баіцца быць выкрытым на хлусні? Нічога страшнага, калісьці ён абвясціў расійскім Херсон, цяпер пра гэта ўжо ніхто не ўспамінае. І пра Данбас імгненна забудуць. Бо АБ’ЕКТЫЎНА Расія можа быць шчаслівая і без Херсона, і без Данбаса.
Дык навошта ж, прабачце, трэба рабіць сваю краіну няшчаснай, калі можна зрабіць яе шчаслівай?!
Аббас Галлямов, Telegram
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
