У Крамлі заявілі, што эканоміка падае дзеля «стабільнасці»

Дзіўны тэзіс агучыў Дзмітрый Пяскоў.

Першы за тры гады квартальны спад расійскай эканомікі быў «чаканым» і звязаны з мерамі па забеспячэнні «стабільнасці», заявіў у чацвер прэс-сакратар Крамля Дзмітрый Пяскоў.

«Гэта чаканы працэс. Чаканы працэс ахаладжэння эканомікі меў месца, але ён мае свае вынікі. Усё гэта — дзеля забеспячэння макраэканамічнай стабільнасці, але пэўнае, скажам так, падзенне можа быць, і яно ёсць», — цытуе Пяскова Reuters.

«Урад і прэзідэнт прымаюць меры і распрацоўваюць рашэнні, скіраваныя на тое, каб гэтую негатыўную тэндэнцыю змяніць на тэндэнцыю росту», — дадаў Пяскоў.

Паводле даных Мінэканомразвіцця, у студзені–сакавіку расійскі ВУП скараціўся на 0,3% — упершыню з першага квартала 2023 года (тады эканоміка прасела на 0,8%). На 0,7% знізіўся выпуск у несыр'ёвых галінах прамысловасці, на 10% абрынуліся аб'ёмы будаўніцтва, на 3,4% зменшыўся грузазварот транспарту, на 0,5% скараціўся абарот аптовага гандлю.

Урад прагназуе рост расійскага ВУП у гэтым годзе на 1,3% — толькі крыху больш за вынік мінулага года, калі эканоміка запаволілася амаль у пяць разоў і дадала ўсяго 1%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]