Мінскага студэнта падманулі праз «дэканат»
3- 29.04.2026, 11:05
- 1,414
Махляры ўжылі новую схему.
У Мінску супрацоўнікі крымінальнага вышуку затрымалі 19-гадовага студэнта аднаго са сталічных ВНУ, які адначасова апынуўся ахвярай махляроў і ўдзельнікам іх злачыннай схемы, піша «Зеркало».
Як паведамілі ў міліцыі, схема пачалася з званка нібыта ад прадстаўнікоў дэканата. Невядомыя звязаліся з другакурснікам і папрасілі назваць адрас электроннай пошты, патлумачыўшы гэта неабходнасцю даслаць дакументы, звязаныя з навучаннем. Малады чалавек паверыў тым, хто тэлефанаваў, і паведаміў патрэбныя даныя.
Пазней яму прыйшоў ліст, у якім гаварылася, што яго ўліковы запіс нібыта ўзламаны. Каб «абароніць даныя», студэнту прапанавалі перайсці па спасылцы. Пасля гэтага ён трапіў у чат, які выглядаў як сэрвіс дзяржаўнага партала «Е-паслуга». Насамрэч гэта быў падроблены рэсурс, створаны махлярамі для далейшага ціску і маніпуляцый.
Не падазраючы падману, студэнт пачаў выконваць указанні зламыснікаў. Паводле іх інструкцый ён адправіўся па двух адрасах у Маскоўскім і Цэнтральным раёнах Мінска. Там, ужыўшы загадзя агавораныя кодавыя словы, малады чалавек забраў у двух пенсіянеркаў каля 30 тысяч долараў.
Пасля гэтага махляры загадалі яму выехаць у суседнюю краіну. Там студэнт перадаў усе грошы іншаму кур’еру. Пасля вяртання ў Мінск яго затрымалі супрацоўнікі міліцыі.
Паводле інфармацыі ГУУС, нават калі малады чалавек ужо знаходзіўся ў міліцыі, ашуканцы працягвалі пісаць яму паведамленні. У перапісцы былі пагрозы фізічнай расправай, у тым ліку ў адрас яго сваякоў, а таксама запалохванне магчымай крымінальнай адказнасцю.
Па дадзеным факце праводзіцца праверка, усталёўваюцца ўсе абставіны таго, што адбылося, і асобы, датычныя да схемы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
