Германія і Чэхія выклікалі паслоў РФ

З-за пагрозаў на адрас прадпрыемстваў абарана-прамысловага комплексу краін ЕС.

Міністэрствы замежных спраў Германіі і Чэхіі адрэагавалі на нядаўнія заявы расійскіх чыноўнікаў з пагрозамі, у прыватнасці на адрас прадпрыемстваў абарана-прамысловага комплексу, і выклікалі паслоў РФ.

У МЗС Чэхіі паведамілі, што 20 красавіка расійскаму паслу Аляксандру Змееўскаму уручылі рашучы пратэст з-за пагрозаў, накіраваных супраць краіны, чэшскіх арганізацый і саюзнікаў.

Віцэ-прэм’ер-міністр і кіраўнік МЗС Пётр Мацінка выклікаў кіраўніка расійскага дыпламатычнага прадстаўніцтва пасля заяваў Мінабароны РФ і каментара намесніка старшыні Савета бяспекі РФ Дзмітрыя Мядзведзева адносна чэшскіх кампаній, якія назвалі магчымымі мэтамі атак. Мацінка падкрэсліў, што дапамога Чэхіі Украіне грунтуецца на міжнародным праве.

У МЗС Германіі таксама паведамілі пра выклік расійскага пасла ў Берліне для дачы тлумачэнняў з-за пагрозаў, у тым ліку на адрас прадпрыемстваў абарана-прамысловага комплексу. У ведамстве заявілі, што такія заявы з’яўляюцца спробай аслабіць падтрымку Украіны і праверыць згуртаванасць саюзнікаў, падкрэсліўшы, што Германія не паддасца запалохванню.

Раней Міністэрства абароны РФ апублікавала спісы еўрапейскіх прадпрыемстваў, якія звязаныя з вытворчасцю ўдарных беспілотнікаў і камплектуючых для Украіны. Мядзведзеў назваў іх «патэнцыйнымі мэтамі для расійскіх узброеных сіл».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]