Статкевіч: Не верце, калі кажуць, што набажэнствы ў царкве праводзяцца на «стараславянскай» мове

На якой мове беларусы звяртаюцца да Бога?

Лідар апазіцыі Мікалай Статкевіч звярнуўся да суайчыннікаў напярэдадні Радаўніцы.

«Заўтра беларусы пойдуць на могілкі, каб ушанаваць памяць сваіх памерлых блізкіх, — напысаў палітык у сваім тэлеграм-канале. — Але чаму на помніках амаль усіх беларусаў надпісы зробленыя толькі на замежнай мове? Няўжо ў Бога больш няма такога народа? Ці нашы мёртвыя баяцца падазрэнняў у брыдкіх справах, калі іх імёны напісаныя на помніках на «падазронай нацыяналістычнай мове»? Але мёртвым ужо няма чаго баяцца. Ці мы самі баімся? Мы нават не звяртаемся да Бога на сваёй мове ў малітвах. Няўжо і гэта страшна?

Не верце, калі вам кажуць, што малітвы і набажэнствы ў царкве праводзяцца на «стараславянскай» мове. Насамрэч яны праводзяцца на маскоўскай мове сярэдзіны XVII стагоддзя. Менавіта на гэтай мове гаварылі маскоўскія войскі, якія потым прыйшлі на нашу зямлю і вынішчылі больш за палову нашага народа. Калі мы і далей паслядоўна і ўпарта будзем даказваць Богу рознымі спосабамі, што нас не існуе, дык мы і насамрэч перастанем існаваць».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]