СМІ: За праграму допінгу ў расійскім спорце адказваюць атручвальнікі Навальнага

Сінтэзам ядаў і вытворчасцю допінгу займаліся адны і тыя ж людзі.

Другая служба ФСБ, чыі супрацоўнікі маюць дачыненне да атручвання расійскага палітыка Аляксея Навальнага, адказвае за праграму допінгу ў расійскім спорце, гаворыцца ў расследаванні The Insider.

Як стала вядома выданню, Дзмітрый Кавалёў, які летам 2020 года выступаў у якасці эксперта-крыміналіста Расійскага антыдопінгавага агенцтва ў Спартыўным арбітражным судзе ў Лазане, дзе разглядалася адстараненне расійскіх спартсменаў ад спаборніцтваў з-за допінгу, — палкоўнік Другой службы ФСБ.

Паводле інфармацыі выдання, у тыя дні, калі Кавалёў даваў паказанні Спартыўнаму арбітражнаму суду, ён пастаянна быў на сувязі па тэлефоне з генерал-маёрам Уладзімірам Багданавым — ключавой фігурай у Цэнтры спецыяльных тэхналогій ФСБ. Журналісты ўдакладняюць, што Багданаў у гэты час каардынаваў атручванне Навальнага.

Паводле даных The Insider, «допінгавым праектам» з 2015 года займаўся НЦ «Сігнал», які дэ-факта знаходзіцца пад аператыўным кіраваннем Багданава. Ствараць допінг у «Сігнале», піша выданне, вырашылі пасля таго, як Грыгорый Родчанкоў публічна распавёў пра допінгавую праграму ў расійскім спорце.

Крыніца выдання, знаёмая з унутраным уладкаваннем цэнтра «Сігнал», паведаміла, што, хоць сінтэз ядаў і вытворчасць допінгу былі ніяк не звязанымі паміж сабой праграмамі, ва ўсіх праектах «удзельнічалі адны і тыя ж навукоўцы, якія выкарыстоўвалі адно і тое ж абсталяванне».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]