У Гомелі хітры пацыент бальніцы «піў» таблетку, а потым яе прадаваў

Але «бізнэс» не ўдаўся.

У Гомелі хітры пацыент бальніцы піў таблетку, а потым выплёўваў яе і прадаваў. Падрабязнасці паведамляе belkagomel.by.

Жыхар Гомеля ў бальніцы атрымліваў замяшчальную тэрапію, пакутуючы ад залежнасці. На вачах у лекара мужчына прымаў прэпарат. Аднак ён толькі рабіў выгляд, што праглынае таблетку, хаваючы яе ў роце. Выходзячы з медыцынскай установы, гамяльчанін выплёўваў таблетку і перадаваў яе пастаяннаму кліенту.

Супрацоўнікі міліцыі злавілі мужчыну на гарачым, калі ён чарговы раз правярнуў прыдуманую ім схему.

Старшы следчы Гомельскага гарадскога аддзела Следчага камітэта Вадзім Высоцкі звярнуў увагу на прэпарат, які павінен быў прымаць абвінавачаны. Гаворка пра асабліва небяспечны наркатычны сродак, дазволены да кантраляванага звароту.

Высоцкі ўдакладніў, што раней гамяльчанін ужо прыцягваўся за незаконны зварот наркотыкаў:

— На гэты раз яго прысудзілі да 11 гадоў пазбаўлення волі, і ён будзе адбываць пакаранне ў выпраўленчай калоніі ўзмоцненага рэжыму.

У медыцынскай установе, дзе здарыўся інцыдэнт, правялі праверкі. Дысцыплінарныя і матэрыяльныя спагнанні атрымалі асобы, якія дапусцілі вынас таблетак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]