Трамп склікаў тэрмовае пасяджэнне з-за ультыматуму Ірана
12- 19.04.2026, 8:25
- 17,994
Узнікла верагоднасць новай эскалацыі.
Прэзідэнт ЗША Дональд Трамп склікаў тэрмовае пасяджэнне ў сітуацыйным пакоі Белага дома, паколькі існуе пагроза аднаўлення вайны з Іранам ужо праз некалькі дзён.
Пра гэта паведамляе Axios.
Раніцай 18 красавіка Трамп сабраў ключавых чыноўнікаў у Белым доме. Там былі віцэ-прэзідэнт ЗША Джэй Дзі Вэнс, дзяржаўны сакратар Марка Рубіа, міністр фінансаў Скот Бэсент і міністр вайны Піт Хэгсет.
Прычынай тэрмовага пасяджэння стала заява Тэгерана пра закрыццё Армузскага праліва і атакі на караблі. Гэта адбылося менш чым праз суткі пасля аптымістычных прагнозаў Трампа аб магчымасці пагаднення.
Тэрмін дзеяння рэжыму спынення агню заканчваецца праз тры дні. Паводле амерыканскіх чыноўнікаў, калі ў найбліжэйшы час не будзе дыпламатычнага прарыву, маштабныя баявыя дзеянні могуць аднавіцца ўжо на наступным тыдні.
«Іран крыху раззлаваўся... яны хацелі зноў закрыць праліў. Але гэта краіна не можа нас шантажаваць», — пазней сказаў Трамп журналістам у Авальным кабінеце.
Нягледзячы на эскалацыю ў праліве, крыніцы адзначаюць, што бакам удалося дасягнуць пэўнага прагрэсу ў пытаннях іранскай ядзернай праграмы, у прыватнасці адносна запасаў узбагачанага ўрану. Цяпер Тэгеран разглядае новыя прапановы ЗША, перададзеныя праз пасярэдніцтва Пакістана.
Трамп адзначыў, што Вашынгтон працягвае перамовы, і да канца дня стане зразумела, ці будзе падпісана пагадненне. Ключавую ролю ў пасярэдніцтве адыгрывае камандуючы арміі Пакістана Асім Мунір, які на гэтым тыдні наведаў Тэгеран.
«Вярхоўны савет нацыянальнай бяспекі Ірана заявіў у суботу, што ЗША прадставілі новыя прапановы падчас перамоваў, і Іран іх разглядае, але яшчэ не адказаў», — дадало выданне.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
