Мачада распавяла пра перамовы аб вяртанні ў Венесуэлу

Венесуэльская апазіцыянерка размаўляе пра гэта са ЗША.

Лаўрэатка Нобелеўскай прэміі міру Марыя Карына Мачада заявіла, што падтрымлівае «пастаянны кантакт» з прадстаўнікамі адміністрацыі Дональда Трампа і каардынуе сваё вяртанне ў Венесуэлу. Пра гэта паведамляе Bloomberg.

Паводле слоў Мачады, узаемадзеянне з амерыканскім бокам адбываецца ў фармаце супрацоўніцтва і ўзаемнай павагі. «Я абмяркоўваю гэта з урадам ЗША, і мы дзейнічаем узгоднена», — адзначыла яна на прэс-канферэнцыі ў Мадрыдзе.

Яна дадала, што перамовы былі «падрабязнымі і адкрытымі», аднак значная іх частка застаецца канфідэнцыйнай па ўзаемнай дамоўленасці.

Галоўнай мэтай свайго вяртання Мачада назвала стварэнне «грамадзянскага і арганізаванага» механізму, які дазволіць венесуэльцам выказаць свае імкненні да дэмакратыі, перш за ўсё праз выбарчы працэс.

Палітыкіня таксама падзякавала Трампу, заявіўшы, што ён «падвяргнуў рызыцы жыцці грамадзян ЗША дзеля свабоды Венесуэлы», і пацвердзіла намер перадаць яму Нобелеўскую прэмію міру як «мандат венесуэльскага народа».

Акрамя таго, Мачада раскрытыкавала часовую прэзідэнтку краіны Дэлсі Радрыгес, абвінаваціўшы яе ў тым, што яна прадстаўляе «рэжым, звязаны з хаосам, гвалтам і тэрарызмам».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]