Мадзяр патрабуе перавыбараў ў адной з акругаў

На ёй «Фідэс» выстаўіла поўнага цёзку будучага прэм’ера Венгрыі.

Лідар партыі-пераможцы парламенцкіх выбараў у Венгрыі «Ціса» Петер Мадзяр патрабуе перавыбараў у аднамандатнай акрузе, дзе, паводле яго пераканання, палітычная сіла прайграла выключна з-за падстаўнога кандыдата з такім самым імем — Петер Мадзяр.

Як паведамляе «Еўрапейская праўда», з такім заклікам ён выступіў у суботу, 18 красавіка.

Мадзяр заклікаў да перавыбараў у 2-й акрузе ў медзье Ваш ля мяжы з Аўстрыяй, дзе перамог кандыдат партыі Віктара Орбана «Фідэс», апярэдзіўшы прадстаўніка «Цісы» на 258 галасоў.

Паводле яго слоў, кандыдатка «Цісы» Вікторыя Стромпава не змагла перамагчы менавіта з-за прысутнасці ў бюлетэні фармальна незалежнага кандыдата па імені Петер Мадзяр, звязанага з «Фідэс».

За «фальшывага Мадзяра» прагаласавалі больш за 900 выбарцаў, і палітык упэўнены, што ў большасці выпадкаў гэта былі прыхільнікі «Цісы», уведзеныя ў зман супадзеннем імёнаў.

Мадзяр назваў сітуацыю «расійскімі метадамі ў самай цынічнай форме» і патрабуе прызначыць паўторнае галасаванне ў акрузе.

Падкрэсліваецца, што гэты «падстаўны» кандыдат амаль не вёў публічнай кампаніі, не пражывае ў горадзе Шарвар (адміністрацыйным цэнтры акругі) і працуе ў Аўстрыі. Да выдалення сваіх старонак у сацсетках ён публікаваў фотаздымкі з вядучымі прадстаўнікамі «Фідэс», уключаючы Орбана. Акрамя таго, 15 сакавіка яго заўважылі на праўладнай дэманстрацыі, хоць на той момант ён ужо значыўся «незалежным кандыдатам», піша 444.

Нагадаем, у Венгрыі працягваецца падлік галасоў замежных выбарцаў і тых, хто галасаваў не па месцы рэгістрацыі.

Партыі «Ціса» прагназуюць 141 мандат у парламенце, нават калі вынікі па астатніх канкурэнтных акругах не зменяцца на яе карысць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]