Эксперт патлумачыў «венесуэльскі» намёк Зяленскага для Лукашэнкі

Чаму тэма зноў на парадку дня?

Прэзідэнт Уладзімір Зяленскі папярэдзіў пра спробу Расіі зноў уцягнуць Беларусь у вайну і перасцярог рэжым Аляксандра Лукашэнкі ад памылак, нагадаўшы пра нядаўнія падзеі ў Венесуэле.

Што насамрэч стаіць за намёкам украінскага прэзідэнта і якая мэта Мінска з Масквой, РБК-Украіна распытала Дзмітрыя Жмайло, выканаўчага дырэктара Украінскага цэнтра бяспекі і супрацоўніцтва.

Што задумала Расія ў Беларусі

Чарговыя спробы Расіі стварыць для Украіны пагрозу з тэрыторыі Беларусі не з'яўляюцца чымсьці новым, адзначыў эксперт у размове з РБК-Украіна.

«Калі расіяне ўпіраюцца на фронце, калі ім не ўдаецца справакаваць крызіс, калі прасоўванне расійскай арміі мінімальнае, адразу ўключаецца тэма Беларусі. То «Арэшнік», то вучэнні, то нейкія заявы», — нагадаў Жмайло.

Галоўная мэта — прымусіць Украіну трымаць тысячы вайскоўцаў на мяжы з Беларуссю. Такім чынам акупанты спрабуюць не даць ЗСУ перакінуць рэзервы на самыя гарачыя напрамкі, у прыватнасці пад Пакроўск або Канстанцінаўку, патлумачыў эксперт.

Як заяўляў Зяленскі, украінская разведка фіксуе, што ў прыграніччы Беларусі ідзе развіццё дарог у напрамку Украіны і наладжванне артылерыйскіх пазіцый.

«Што да будаўніцтва дарог, то хутка гэтага не будзе. Яны і на акупаваных тэрыторыях правальваюць свой так званы праект Азоўскага кальца. Праводзяць толькі бягучыя рамонты тых дарог, на найбольш крытычных участках. Але артпазіцыі — гэта якраз гэта гульня з намі», — пракаментаваў Жмайло.

Сігнал для Лукашэнкі

Характар і наступствы нядаўніх падзей у Венесуэле павінны стрымліваць кіраўніцтва Беларусі ад памылак, перасцерагаў учора прэзідэнт Украіны. У грамадстве такі мэсэдж успрынялі як намёк на тое, што Лукашэнка можа паўтарыць лёс венесуэльскага дыктатара Нікаласа Мадура, якога выкралі амерыканскія спецслужбы.

Паводле слоў эксперта, заява Зяленскага звязаная з тым, што рэжым Лукашэнкі працягвае накручваць антыўкраінскую істэрыю ўнутры краіны дзеля захавання ўласнай улады.

«Там істэрыя пра «усемагутныя ўкраінскія спецслужбы». Таму прэзідэнт і дае вельмі дакладны мэсэдж: могуць адбыцца і такія падзеі (як у Венесуэле — рэд.), калі ўкраінская разведка такая «усемагутная і каварная», — патлумачыў Жмайло.

Гэта заява, на думку эксперта, павінна аслабіць жаданне Мінска садзейнічаць планам РФ і прадухіліць адкрыццё новых «гарачых» участкаў.

«То-бок гэта дакладны мэсэдж, што як у 2022 годзе не будзе: ніхто не будзе чакаць фізічнага перасячэння дзяржаўнай мяжы», — падкрэсліў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]