Міністр замежных спраў Украіны паставіў на месца расійскіх прапагандыстаў

Чаму Пуцін хаваецца?

Міністр замежных спраў Украіны Андрэй Сыбіга заявіў пра гатоўнасць прэзідэнта Уладзіміра Зяленскага сустрэцца з кіраўніком Крэмля Уладзімірам Пуціным. У той жа час ён іранічна запытаўся ў прапагандыстаў РФ пра нежаданне кіраўніка Расіі ісці на перамовы.

Такою была рэакцыя ўкраінскага дыпламата на пытанні расійскіх прапагандыстаў падчас візіту Андрэя Сыбігі ў Анталію ў межах дыпламатычнага форуму. Відэа з адказам кіраўніка МЗС Украіны апублікавала выданне РБК-Украіна.

Украінская дэлегацыя спрабавала трапіць на дыпламатычны раўт, калі іх акружылі расійскія прапагандысты. Яны пачалі актыўна выкрыкваць і пытацца ў кіраўніка МЗС пра верагодныя перамовы паміж Кіевам і Масквой.

«Зяленскі гатовы сустрэцца з Пуціным. Пытанне — чаму ён хаваецца?» — адказаў Сыбіга расійскім прапагандыстам.

Пазней украінскі дыпламат накіраваўся на запланаваныя сустрэчы ў межах Анталійскага дыпламатычнага форуму. На сваёй старонцы ў X дыпламат паведаміў пра шэраг удалых сустрэч з прадстаўнікамі Вялікабрытаніі, Літвы і Швейцарыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]