СМІ: За апошнія паўгода Расія і Беларусь здзейснілі больш за 50 гібрыдных атак у Еўропе
Найбольш атак адбылося ў Польшчы.
З 1 красавіка па 15 кастрычніка 2026 года ў еўрапейскіх краінах адбылося не менш як 52 інцыдэнты, якія могуць быць звязаныя з гібрыднай вайной Расіі і Беларусі супраць Захаду.
Пра гэта сведчыць аналіз «Вот Так», праведзены разам з журналістамі еўрапейскіх медыя пад эгідай Еўрапейскага вяшчальнага саюза (EBU).
Згодна з расследаваннем, у гэты час на тэрыторыі краін ЕС, а таксама Вялікабрытаніі, Нарвегіі і Малдовы адбыліся як мінімум 48 здарэнняў, якія ўлады, спецслужбы або іншыя афіцыйныя асобы звязалі з Расіяй або назвалі магчымай часткай яе гібрыдных аперацый. Яшчэ чатыры інцыдэнты звязваюць з дзеяннямі Беларусі.
Найбольш атак адбылося ў Польшчы, дзе зафіксавана 9 выпадкаў. Гібрыдная вайна тут мае розныя формы — і парушэнні паветранай прасторы расійскай авіяцыяй, і напады на абаронныя прадпрыемствы, і падпал станцыі Starlink. Карэспандэнт «Вот Так», які працаваў пад прыкрыццём, атрымаў ад вербавальніка прапанову падпаліць або падарваць завод вытворцы дронаў Flytronic.
Сярод іншых краін, якія часта падвяргаюцца атакам, — Латвія, Румынія, Малдова, Літва, Фінляндыя, Балгарыя, Германія.
Як выглядае гібрыдная вайна Лукашэнкі? Аўтары лічаць, што найперш гэта ціск на межы ЕС з дапамогай мігрантаў. Хоць польскі бок паведамляе, што мігранты фактычна зніклі з польска-беларускай мяжы, аўтары расследавання налічылі ў перыяд з 1 красавіка па 15 кастрычніка 2026 года не менш як 250 спробаў незаконнага перасячэння польскай мяжы з боку Беларусі.
Але ўдзел Беларусі ў гібрыднай вайне супраць еўрапейскіх суседзяў не абмяжоўваецца толькі правакацыямі на мяжы. Да гібрыдных атак Мінска адносяць сачэнне за эмігравалымі апазіцыянерамі і прылёты метэаразондаў, якія парушалі працу аэрапорта Вільнюса.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
