У Беларусі павялічылася колькасць рэтранслятараў, якія дапамагаюць РФ атакаваць Украіну

Яны ўзмацняюць сігнал расійскіх «Шахедаў».

Расія зноў выкарыстоўвае рэтранслятары, што знаходзяцца на тэрыторыі Беларусі і дапамагаюць наводзіць беспілотнікі для ўдараў па Украіне, піша «Позірк». Аб гэтым у эфіры ўкраінскага «24 Канала» заявіў прэс-сакратар Дзяржаўнай памежнай службы гэтай дзяржавы (ДПСУ) Андрэй Дземчэнка.

Ён сцвярджае, што расійскія дроны тыпу «Шахед» і «Герань», якія накіроўваюцца ў бок заходніх абласцей Украіны і памежнай зоны з Польшчай, атрымліваюць «дадатковае ўзмацненне сігналу» з тэрыторыі Беларусі.

Паводле слоў Дземчэнкі, рэтранслятары ўключаюцца «перыядычна». Таксама ён адзначыў «значнае павелічэнне колькасці менавіта мабільных рэтранслятараў».

«Беларусь баіцца, што Украіна зможа поўнасцю вылічыць, дзе менавіта працуюць рэтранслятары, — заявіў Дземчэнка. — Нас часта пытаюць, ці не нарошчвае Беларусь групоўкі каля нашай мяжы. Відаць, яны ўсё ж такі баяцца вялікіх страт. Таму там, паддаючыся ціску з боку Расіі, абралі менавіта такі спосаб дапамогі ў выглядзе рэтранслятараў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]