Bloomberg: Адзін з найбагацейшых расейцаў назваў галоўную праблему эканомікі РФ
26- 11.10.2026, 16:31
- 16,822
Крэмль не апраўдаў чаканняў расейскіх бізнэс-элітаў.
Адзін з найбагацейшых людзей Расеі і кіраўнік горназдабыўной кампаніі «Норнікель» Уладзімір Патанін заявіў, што галоўная праблема для бізнесу ў Расеі — гэта недахоп інвестыцый, перадае Bloomberg (пераклад — сайт Charter97.org).
«Пакуль мы не можам сказаць, што прайшлі самае дно», — сказаў Патанін.
Улады намагаюцца збалансаваць бюджэт. Гэта можа стварыць умовы для зніжэння ключавой стаўкі і іншых мераў падтрымкі эканомікі. Аднак рост падаткаў можа звесці гэтыя намаганні на нішто.
Міністэрства эканамічнага развіцця Расеі прагназуе рост ВУП усяго на 0,6% у гэтым годзе. Пры гэтым дэфіцыт бюджэту павялічваецца, бо Масква накіроўвае ўсё больш сродкаў на вайну супраць Украіны і вымушаная шукаць дадатковыя даходы за кошт бізнесу.
Для горназдабыўных кампаній улады прадугледзелі падатак на звышпрыбыткі ў памеры да 30% на 2027–2029 гады. «Норнікель» уваходзіць у лік кампаній, якія пацярпяць ад гэтай меры больш за іншых.
Патанін пагадзіўся, што бізнесу давядзецца плаціць больш падаткаў, але заявіў, што дадатковыя зборы павінны спаганяцца толькі з прыбытку. Непрадказальнасць падатковай палітыкі перашкаджае кампаніям планаваць інвестыцыі і можа стаць больш сур'ёзнай перашкодай, чым высокія стаўкі або недахоп капіталу.
Мільярдэр таксама нагадаў, што два гады таму бізнэс падтрымаў падатковыя рэформы, разлічваючы на стабільнасць правілаў да 2030 года. Аднак гэтыя чаканні не спраўдзіліся.
Патанін займае трэцяе месца сярод найбагацейшых расейцаў паводле Bloomberg Billionaires Index. Яго стан ацэньваецца ў $22 млрд.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
