Дроны атакавалі Саратаў: успыхнуў пажар ля НПЗ

Пасля выбухаў узняўся дым.

Уначы 10 жніўня дроны атакавалі Саратаўскую вобласць РФ. Цэллю ўдару стаў нафтаперапрацоўчы завод у Саратаве, на тэрыторыі якога пасля атакі пачаўся моцны пажар, паведамляе OBOZ.UA.

У гэты раз мясцовыя ўлады нават прызналі, што "на адным з прамысловых прадпрыемстваў" зафіксаваныя пашкоджанні. Пра гэта пішуць Telegram-каналы.

Выбухі ў Саратаве

Паводле папярэдніх звестак, шматлікія выбухі ў Саратаве пачаліся блізу 3:00 гадзін ночы. Мясцовы губернатар Раман Бусаргін заявіў, што ад міністэрства абароны паступіла інфармацыя аб пагрозе БПЛА, таму ўсе экстранныя службы прыведзеныя ў поўную гатоўнасць.

У гэты ж час відавочцы пачалі публікаваць відэа, як БПЛА атакуюць тэрыторыю нафтаперапрацоўчага завода, у выніку чаго ў раёне НПЗ прагрымелі магутныя выбухі. Пасля атакі на тэрыторыі аб'екта пачаўся моцны пажар і ўзняўся вялізны слуп густога чорнага дыму, што характэрна для гарэння нафтапрадуктаў.

Мясцовыя жыхары, якія сталі відавочцамі атакі БПЛА, заявілі, што расейскія вайскоўцы спрабавалі збіць дроны стралковай зброяй. Аднак большая частка беспілотнікаў усё ж дасягнула цэлі і ўдарыла па тэрыторыі нафтаперапрацоўчага завода.

У сваю чаргу саратаўскі губернатар заявіў, што ў выніку атакі БПЛА ў горадзе пашкоджаныя шматпавярховыя дамы, а таксама ёсць загінулы і пацярпелыя. Пры гэтым чыноўнік не ўдакладняе, што побач са шматпавярховым домам упалі абломкі ў выніку працы расейскай СПА.

Акрамя таго, маніторыгавыя каналы апублікавалі мапу, якая пацвярджае, што цэллю масаванага дронавага нападу ў Саратаве быў менавіта нафтаперапрацоўчы завод. Здымкі сведчаць аб тым, што менавіта на НПЗ узнік моцны пажар.

Стратэгічны аб'ект "Раснафты"

Кантрольны пакет акцый Саратаўскага НПЗ (больш за 81%) належыць кампаніі "Раснафта". Магутнасць завода складае 6,75 млн тон нафты на год. Завод перапрацоўвае нафту маркі Urals, а таксама нафту з Саратаўскага, Сарачынскага, Арэнбуржскага і Зайкінскага радовішчаў.

Завод вырабляе больш за 20 тыпаў нафтапрадуктаў. Сярод асноўных неэтыляваныя бензіны, дызельнае паліва, мазут, бітумы, вакуумны газойль і тэхнічная сера.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]