Найбуйнейшы нафтавы тэрмінал Крыму гарыць пятыя суткі

Яго атакавалі беспілотнікі.

У Феадосіі працягвае гарэць Марскі нафтавы тэрмінал, які Узброеныя сілы Украіны атакавалі беспілотнікамі ў ноч на 6 кастрычніка. Яго не могуць патушыць ужо пятыя суткі, паведамляюць відавочцы. Таксама ачагі ўзгарання фіксуе сэрвіс спадарожнікавага маніторынгу пажараў NASA FIRMS. Раней паведамлялася, што ў выніку ўдару загарэліся як мінімум два рэзервуары з палівам, чорны дым ад пажару расцягнуўся больш чым на 25 кіламетраў, былі эвакуяваныя 250 жыхароў бліжэйшых раёнаў.

Нафтабаза ў Феадосіі з’яўляецца найбуйнейшай у Крыму. На ёй можа захоўвацца да 250 тысяч тон паліва, якім забяспечваюцца як расійскі флот, так і сухапутныя войскі. Да гэтага Узброеныя сілы Украіны атаквалі тэрмінал у кастрычніку мінулага года. Тады ўлады горада ўвялі рэжым тэхнагеннай надзвычайнай сітуацыі. Пры гэтым паведамлялася, што каля нафтабазы з восені 2022 года стаялі сістэмы супрацьпаветранай абароны «Панцыр-С1», якія мусілі абараняць яе ад атак. Згодна са спадарожнікавымі здымкамі, пасля папярэдніх удараў з 34 рэзервуараў з палівам цэлымі засталіся 22. Паводле звестак крыніцы «Крым. Рэаліі», на нафтабазе дзейнічала шматузроўневая абарона ад беспілотнікаў: у тым ліку там узвялі вартавыя вежы, устанавілі рэжым святломаскіроўкі і металічныя сеткі, прабіць якія магла толькі ракета.

29 верасня 2025 года на тэрмінале ў Феадосіі адбыўся пажар: загарэўся рэзервуар з астаткамі дызельнага паліва. Агонь распаўсюдзіўся на плошчы 638 м². Прызначаныя Расіяй «улады» анексаванага Крыму сцвярджалі, што пажар не быў звязаны з атакай беспілотнікаў — яго прычынай стала «парушэнне тэхналогіі зварачных работ». Узгаранне ліквідавалі на наступныя суткі — 30 верасня, з дапамогай 150 супрацоўнікаў МНС і 56 адзінак тэхнікі.

Усе гэтыя інцыдэнты адбываліся на фоне дэфіцыту паліва ў Крыму, дзе ўжо каля двух тыдняў адпускаюць не больш за 20 літраў бензіну «ў адны рукі». Паводле даных аналітычнай кампаніі «ОМТ-Кансалтынг», напрыканцы верасня каля 50% аўтазаправачных станцый рэгіёна поўнасцю спынілі продаж паліва з-за перабояў з пастаўкамі. Пры гэтым «улады» заяўлялі, што нафтабаза ў Феадосіі не задзейнічана ў цыкле забеспячэння мясцовых АЗС.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]