Брытанская аэратаксоўка паспяхова прайшла першы этап выпрабаванняў

Прататып VX4 ужо мае 1500 папярэдніх заказаў на суму $6 млрд.

Брытанская кампанія Vertical Aerospace скончыла першы этап выпрабаванняў свайго прататыпа аэратаксі VX4, пасля чаго акцыі кампаніі выраслі на 3,9%.

Аб гэтым напісала агенцтва Reuters.

У час першага тэставання былі праведзеныя палёты з пілотам, а таксама наземныя выпрабаванні.

Падчас гэтых выпрабаванняў было праверана 70 важных тэхнічных параметраў, якія пацвярджаюць бяспеку апарата ў рэальных умовах.

Цяпер кампанія рыхтуецца да другога этапу тэставання. Ён будзе ўключаць вертыкальныя ўзлёты і пасадкі, а таксама манеўры на нізкіх хуткасцях з выкарыстаннем пад'ёмнай сілы ад прапелераў.

Прататып VX4 ужо мае 1500 папярэдніх заказаў на суму $6 млрд ад такіх кампаній, як Virgin Atlantic, American Airlines і Japan Airlines.

Кампанія Vertical Aerospace, якая была заснаваная ў 2016 годзе, распрацоўвае VX4 як пілатаваны электрычны лятальны апарат з вертыкальным узлётам і пасадкай (eVTOL) на чатырох пасажыраў.

Кампанія імкнецца змяніць гарадскую мабільнасць, а для гэтага ім трэба пераканаць грамадскасць у бяспецы такіх лятальных апаратаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]