Аўстраліец Піястры ўпершыню ў кар'еры перамог этап «Формулы-1»
- 21.07.2024, 18:39
- 2,012
![Аўстраліец Піястры ўпершыню ў кар'еры перамог этап «Формулы-1»](https://i.c97.org/ai/603730/aux-head-1721576332-20240326_kajmanzwei_360.jpg)
Другім на Гран-пры Вугоршчыны фінішаваў брытанец Ланда Норыс.
Аўстраліец Оскар Піястры з каманды McLaren стаў пераможцам Гран-пры Вугоршчыны, 13-га ў сезоне этапу «Формулы-1».
23-гадовы пілот упершыню ў кар'еры перамог этап чэмпіянату «Формулы-1». Раней ён нават не трапляў на подыюм.
Другім фінішаваў ягоны партнёр у камандзе, брытанец Ланда Норыс. Трэцім стаў яго суайчыннік, сяміразовы чэмпіён «Формулы-1» Льюіс Хэмілтан з Marcedes (гэта ягоны 200-ы подыюм).
Дзейны чэмпіён галандзец Макс Ферстапен (Red Bull) заняў пятае месца.
Ферстапен лідар у агульным заліку пілотаў з 265 баламі, на другім месцы Норыс (189), на трэцім – манегаск Шарль Леклер з Ferrari (162).
У Кубку канструктараў першае месца займае Red Bull (389), у McLaren другое месца (338), у Ferrari – трэцяе (322).
Наступная гонка пройдзе 28 ліпеня ў межах Гран-пры Бельгіі.