Лукашэнка забараніў прапагандыстам асвятляць Алімпіяду
9- 21.07.2024, 11:22
- 10,242
![Лукашэнка забараніў прапагандыстам асвятляць Алімпіяду](https://i.c97.org/p/articles/2015/ai-166746-aux-head-20150830_olimp_360.jpg)
Гэта датычыцца і іх «калегаў» з Расеі.
У праве асвятляць Алімпіяду было адмоўлена вялікай колькасці журналістаў з Расеі і Беларусі, а таксама шэрагу іншых краін. Пра гэта ў інтэрв'ю Journal du Dimanche заявіў кіраўнік МУС краіны Жэральд Дарманен.
Пра якія яшчэ дзяржавы ідзе размова, кіраўнік МУС Францыі не ўдакладніў. З яго слоў, такім чынам улады ўжываюць «прынцып засцярогі», каб прадстаўнікі шэрагу замежных дзяржаў не змаглі атрымаць доступ да кампутарных сетак і здзейсніць кібератаку.
«Менш за сотню анкет мы адхілілі праз падазрэнні ў тым, што яны з'яўляюцца агентамі - шпіёнамі або інфарматарамі замежных дзяржаў, якія імкнуцца да ўмяшання ў Гульні», - сказаў ён.
Паводле інфармацыі міністра, усяго да пачатку Алімпіяды плануецца правесці амаль мільён праверак удзельнікаў.
«Паводле вынікаў 960000 адміністрацыйных расследаванняў, якія мы правялі, улічваючы, што ўсяго да пачатку Гульняў мы правядзём амаль мільён, было адсеяна 4340 чалавек. Усе ўдзельнікі, валанцёры, агенты, сцюарды, а таксама суправаджаючыя каманды спартоўцаў, аж да разносчыкаў вады, - усе яны прайшлі «праверку», каб гарантаваць, што іх удзел у Гульнях не будзе спалучаны з рызыкай», - паведаміў ён.
З 4340 выключаных выяўлена «19 чалавек, зарэгістраваных у файле папярэджанняў аб прадухіленні радыкалізацыі тэрарыстычнага характару (FSPRT), якія былі актыўныя і, такім чынам, маглі дзейнічаць». На 359 чалавек накладзенае абавязацельства пакінуць краіну, а 139 чалавек знаходзяцца ў спісе S (Sûreté de l’État — індыкатар, які выкарыстоўваецца праваахоўнымі органамі для абазначэння асобы, якая ўважаецца за сур'ёзную пагрозу нацыянальнай бяспецы).
«Сярод «патэнцыйна небяспечных асоб» — 257 радыкальных ісламістаў, 181 чалец ультралевых і 95 чальцоў ультраправых», — піша выданне.
Палітык запэўніў, што ўсе ўдзельнікі, а таксама суправаджаючыя спартоўцаў асобы і валанцёры былі правераныя, «каб пераканацца, што іх удзел не ўяўляе рызыкі для Гульняў».