Украінскія марпехі знішчылі КамАЗ з пускавы ўстаноўкай «Ланцэтаў» і акупантамі
2- 24.02.2024, 21:23
- 7,998
![Украінскія марпехі знішчылі КамАЗ з пускавы ўстаноўкай «Ланцэтаў» і акупантамі](https://i.c97.org/ai/583382/aux-head-1707812786-20240213_tank_rus_360.jpg)
Відэафакт.
Украінскія абаронцы з Ваенна-марскіх сіл УСУ знішчылі расейскі грузавік з пускавой устаноўкай беспілотнікаў разам з асабовым складам захопнікаў, піша liga.net.
Баявую працу прарабілі абаронцы з 38-й асобнай брыгады і 140-га асобнага разведвальнага батальёна марпехаў.
Абаронцы выявілі расейскі грузавік з пускавой устаноўкай БпЛА – прасачыўшы за захопнікамі да месца іх хованкі, марпехі перадалі каардынаты «майстрам па знішчэнні такіх цэляў» і зафіксавалі паразу аўтамабіля разам з асабовым складам, паведамляе ВМС.
На відэа абаронцы паказваюць варожы КамАЗ з беспілотнікам і пускавой ўстаноўкай – акупанты запусцілі дрон-камікадзэ «Ланцэт».
Пасля пуску грузавік едзе, акупанты хаваюць яго ў пасадцы, але яго бачыць украінскі дрон.
Украінскія марпехі здымаюць тое, як акупанты забіраюць свой іншы беспілотнік (магчыма, разведвальны) пасярод поля, ідуць і спыняюцца каля КАМАЗа.
Адбываецца прылёт па грузавіку – затым выбух, далей бачныя слуп дыму і пажар.