Разам з А-50 у Краснадарскім краі збілі расейскі Іл-76
12- 24.02.2024, 9:17
- 41,098
![Разам з А-50 у Краснадарскім краі збілі расейскі Іл-76](https://i.c97.org/ai/580922/aux-head-1706251497-20240125_il_seven_360.jpg)
Борт без апазнавальных знакаў раскалоўся напалам.
У небе над Канеўскім раёнам Краснадарскага краю, акрамя А-50, збілі яшчэ адзін самалёт УС РФ Іл-76. Пра гэта пішуць расейскія Telegram-каналы.
«З зямлі нешта прыляцела. Ніхто не ведае што. На месцы працуюць пажарныя, усё ўжо патушылі амаль, вайскоўцы апазналі Іл-76», – паведамілі відавочцы падзення самалёта.
Расейскія СМІ сцвярджаюць, што пры падзенні самалёт раскалоўся на дзве часткі. Адна ўпала ў поле, а другая прызямлілася за адным з прыватных дамоў на хутары Працоўная Арменія. Таксама сцвярджаюць, што на месцы падзення чуваць выбухі.
Таксама жыхары хутара падзяліліся сваімі ўражаннямі пасля падзення расейскага самалёта. Кажуць, што чулі два «плескачы» і гул.
«Ён ляцеў з палёў, і калі мы пачулі два плескачы і гул, выбеглі на вуліцу. Прайшоў проста над намі і трымаўся ў кірунку лесапаласы і берагу», – кажуць відавочцы.
Паводле словаў расейцаў, калі самалёт пралятаў міма хутара, то ўжо быў без правага крыла і ляцеў пад нахілам.
«Фюзеляж упаў у зямлю, а левае крыло адбіла дрэвамі і прызямлілася ў двор дома», – дадалі расейцы.
Расейскія вайскоўцы на месцы падзення кажуць, што быў збіты Іл-76.
«Тое, што Іл-76, транспартны самалёт, хутчэй за ўсё. Гэта словы вайскоўцаў, якія пазналі аскепкі. Аднак, паводле іх словаў, самалёт без якіх-небудзь апазнавальных знакаў і спачатку нават былі сумневы, што гэта наш борт. Але расейскі самалёт. Асноўная частка – фюзеляж у паўбалоце, у брудзе і чароце, будзем чакаць тэхніку», – расказалі мясцовыя жыхары.
Аператыўны штаб Краснадарскага краю паведаміў, што «блізу 20.00 у раёне хутара Працоўная Арменія Канеўскага раёна адбылося падзенне двух лётных апаратаў».