Падрыў асноўнай чыгункі Расеі і Кітая: палкоўнік УСУ раскрыў наступствы
1- 1.12.2023, 8:06
- 26,250
![Падрыў асноўнай чыгункі Расеі і Кітая: палкоўнік УСУ раскрыў наступствы](https://i.c97.org/ai/573681/aux-head-1701408238-20231201_doroga_360.jpg)
У гістарычнай аперацыі магла ўдзельнічаць не толькі СБУ.
Уночы на 30 лістапада адбыўся выбух на Байкала-Амурскай магістралі, размешчанай у Бураціі.
Паспяховую аперацыю магла правесці СБУ, спаралізаваўшы адзіны сур'ёзны шлях чыгуначнага злучэння паміж Расеяй і Кітаем.
Разбурэнне лагістыкі ворага такім шляхам вельмі дапамагае Украіне, бо затрымлівае вайсковыя пастаўкі для Расеі.
Пра гэта «24 каналу» расказаў ваенны экспэрт, лётчык-інструктар, палкоўнік УСУ ў запасе Раман Світан, заўважыўшы, што Паўночная Карэя нядаўна перадала Расеі 2 000 кантэйнераў са зброяй.
Што вядома аб падрыве тунэлю
Выбух адбыўся на Байкала-Амурскай магістралі, а менавіта ў Паўночнамойскім тунэлі імя Бяссолава - гэта найбуйнейшы чыгуначны тунэль у Расеі працягласцю 15 кіламетраў, праз які пастаўляюцца ваенныя паўночнакарэйскія і расейскія грузы.
«Гэта боепрыпасы, якімі дзеляцца Кітай і Паўночная Карэя з расейскім войскам. Адпаведна, яны трапляюць да нас і забіваюць нашых вайскоўцаў. Таму падрыў адной з асноўных галінак - гэта заслуга Службы бяспекі Украіны», - падкрэсліў ваенны экспэрт.
Выканаўцамі могуць быць партызаны, украінскія агенты ці войска «Свабоднай Бураціі». Паколькі рэспублікі, якія ўваходзяць у склад Расеі, пачынаюць разумець сваю ідэнтычнасць. Нават некалькі палкоў ваююць на баку Украіны, з Ічкерыі, Дагестана, Інгушэціі, Башкірыі, Татарстана і Бураціі. Таксама ўнутры краіны-агрэсаркі адбываецца фармаванне войскаў.
«Выкарыстоўваючы такія групы, Служба бяспекі выканала сур'ёзную баявую задачу па перасячэнні лагістычных шляхоў паставак ваеннай прадукцыі. А вайна на нашай тэрыторыі - бітва лагістык», - заўважыў Світан.
Знішчэнне лагістыкі ў тунэлях - найлепшы спосаб, паколькі аднаўленне патрабуе шмат часу. А таксама дазваляе перашкодзіць акупантам хутка атрымліваць зброю з Кітая.
Якую зброю КНДР магла перадаць Расеі
Амерыканская выведка ўстанавіла, што расейскія караблі са жніўня 2023 г. рэгулярна наведвалі паўночнакарэйскі порт Расон. КНДР адправіла Расеі блізу 2 тысяч кантэйнераў са зброяй. Больш за ўсё краіна-агрэсарка мае патрэбу - у рулях да артылерыі і самой артылерыі, таму цалкам магчыма, што менавіта такое ўзбраенне перадае Паўночная Карэя.
«Гэта акурат было заўважана. Яны былі ў кантэйнерах і проста на платформе. Таксама Расея просіць станкі для вытворчасці ваеннай тэхнікі. Таму яны таксама могуць перадавацца», - сказаў Раман Світан.