Расейскія дэсантнікі правядуць вучэнні ў Берасці

Візіт расейскіх вайскоўцаў у Беларусь будзе доўжыцца 10 дзён.

Больш за 60 вайскоўцаў са складу 104 парашутна-дэсантнага палка Пскоўскай дывізіі правядуць у красавіку сумесныя вучэнні з Узброенымі Сіламі Рэспублікі Беларусь у памежным горадзе Берасці.

Як паведаміў карэспандэнту Военное.РФ камандзір 3-й парашутна-дэсантнай роты 104-га гвардзейскага парашутна-дэсантнага палка, цяпер падрыхтоўваюць да вылету на вучэнні, асноўнай задачай мерапрыемства стане выяўленне і блакаванне незаконных бандфармаванняў з наступным выцясненнем умоўнага праціўніка за межы дзяржаўнай мяжы.

Вучэнні пройдуць у тры этапы, якія прадугледжваюць дэсантаванне парашутным спосабам, дэсантаванне пасадачным спосабам і баявую стральбу сумесна з беларускай тактычнай групай.

Скокі будуць весціся на парашутах Д-6, якія прадстаўляюцца прымаючым бокам. На ўзбраенні Пскоўскай дывізіі ПДВ цяпер стаяць больш сучасныя парашуты Д-10.

Тэхніка, узбраенне і сродкі сувязі таксама будуць пададзеныя беларускім бокам.

Вучэнні пройдуць з выкарыстаннем вайсковых аўтамабіляў МАЗ беларускай вытворчасці. У склад асабістай экіпіроўкі дэсантнікаў, якія ўдзельнічаюць у вучэннях, уваходзіць каска і бронекамізэлька 5 класа абароны з найноўшага камплекту «Ратнікі».

Візіт расейскіх вайскоўцаў у Беларусь будзе доўжыцца 10 дзён. Акрамя баявой падрыхтоўкі, расейцы змогуць наведаць Берасцейскую крэпасць, запаведнік, а таксама правядуць шэраг спартыўных мерапрыемстваў.

Для 104 парашутна-дэсантнага палка правядзенне вучэнняў сумесна з прадстаўнікамі замежных УС з'яўляецца рэгулярнай практыкай.

Фота: pln24.ru