NATO узмацняе місію ў краінах Балтыі польскімі знішчальнікамі

Польскія знішчальнікі будуць грунтавацца на авіябазе Зокняй ў Літве і павінны будуць процідзейнічаць правакацыям расейскай вайсковай авіяцыі

Для ўдзелу ў місіі NATO у патруляванні паветранай прасторы краін Балтыі ў Літву ў чацвер прыбыло чатыры знішчальнікі МіГ-29 ВПС Польшчы. Самалёты прызямліліся на авіябазе Зокняй, адкуль вядзецца патруляванне, піша ТАСС.

Раней мінабароны Літвы паведамляла, што польскія знішчальнікі прыбудуць у Літву 5 студзеня. "Канчатковы графік пачатку дапаможнай часткі місіі ўзгадняецца нацыянальным камандаваннем з кіраўніцтвам NATO, пасля чаго ён перадаецца нам", - растлумачылі ў вайсковым ведамстве прычыну зруху ў тэрмінах.

У складзе кантынгенту Польшчы, які прыбыў з месца пастаяннай дыслакацыі ў Міньска-Мазавецкам, дзе раскватараваная 23-я база тактычнай авіяцыі, блізу 100 чалавек. Для польскіх ВПС гэта ўжо шостая місія ў Літве. Чацвёрка МіГ-29 ВПС Польшчы ўзмоцніць італьянскі кантынгент, які з чатырма знішчальнікамі Eurofighter Typhoon заступіў у апошні дзень 2014 на дзяжурства на авіябазе Зокняй.

Краіны Балтыі не валодаюць неабходнай авіяцыяй для кантролю за сваёй паветранай прасторай. З 2004 года яго забяспечваюць, змяняючыся кожныя чатыры месяцы, іх партнёры па NATO. Да вясны 2014 яны чацвёркай знішчальнікаў грунтаваліся ў Зокняй. З красавіка патруль падвоены. Акрамя таго, іншая частка місіі (яшчэ чатыры знішчальнікі) размяшчаецца ў Эстоніі на авіябазе Эмары.