Мінабароны Азербайджана заявіла аб абстрэле з боку Арменіі

Узброеныя сілы Арменіі 3 студзеня абстралялі пазіцыі азербайджанскага войска і прыфрантавыя населеныя пункты.

Абстрэл зроблены з буйнакаліберных гармат, процітанкавых гранатамётаў і 60- і 82-міліметровых мінамётаў, заяўляе прэс-служба Міністэрства абароны Азербайджана ў нядзелю, паведамляе Інтэрфакс.

«Міністэрства абароны рашуча заяўляе, што абстрэл вёсак і мірнага насельніцтва змушае азербайджанскі бок, выкарыстоўваючы ўсе свае ваенныя магчымасці, прыняць адэкватныя і жорсткія меры», - заяўляе абароннае ведамства.

«Узброеныя сілы Азербайджана цалкам гатовыя да вызвалення нашых акупаваных зямель», - падкрэсліваецца ў заяве.