Цана на нафту паднялася вышэй за $50

Цана нафты маркі Brent паднялася вышэй за $50 за бар.

Падчас сённяшніх таргоў на біржы ICE кошт ф'ючэрсных кантрактаў на нафту маркі Brent з пастаўкай у лютым 2015 года падняўся вышэй «круглай» адзнакі ў $50 за бар.

На максімуме кошт лютаўскіх ф'ючэрсаў узнімаўся да адзнакі $50,62, што амаль на 1% вышэй за ўзровень закрыцця папярэдняга гандлёвага дня, піша РБК.

Да 17.15 Менска кошт лютаўскіх ф'ючэрсаў складаў $49,16 за бар. Кошт ф'ючэрсаў на нафту маркі Brent з пастаўкай у сакавіку 2015 года сёння паднімаўся да $52,38 за бар. Да 17.10 кошт сакавіцкіх ф'ючэрсаў складаў $50,87 за бар., што на 2,02% вышэй за ўзровень закрыцця папярэдніх таргоў.