Курс даляра падняўся да 66 расейскіх рублёў

Адначасова курс еўра перасягнуў за 78 расейскіх рублёў.

Курс даляра прыкметна паскорыў свой рост, пераадолеўшы трэцюю за дзень «рублёвую» адзнаку, піша РБК.

Сёння раніцай гандляванні далярам адкрыліся на адзнацы 63,93 руб. Ужо праз некалькі часу курс даляра падняўся вышэй за 64 рублі, праз паўгадзіны перасягнуў за 65 рублёў, а каля 16.00 мск перавысіў 66 руб. На піку курс даляра падняўся да 66,2455 рублёў, што на 3,17 руб. вышэй за ўзровень закрыцця гандляванняў 12 студзеня 2014 года. Курс еўра, таргі якім адкрыліся сёння на адзнацы 76,123 рубля, дасягнуў на максімуме ўзроўню ў 78,1 рубля, што амаль на 3,42 рубля вышэй за ўзровень закрыцця папярэдніх таргоў. Да 16:15 мск кошт еўра складаў 77,904 руб/еўра, што на 3,219 рубля вышэй за ўзровень закрыцця папярэдняга гандлёвага дня, кошт даляра - 66,129 рубля, што на 2,959 рубля вышэй за ўзровень закрыцця таргоў 12 студзеня.

"Падзенне кошту нафты не дае шанцаў рублю. Катыроўкі ўпарта ідуць да $40. Рубель ў выніку з вялікай доляй верагоднасці будзе імкнуцца да 70 супраць даляра, і справа тут зусім не ў паніцы і не ў дэфіцыце валюты. Справа ў фундаментальных прычынах. Так, кошт нафты ніжэйшы за $50 наўрад ці з'яўляецца раўнаважкім для сыравіннага рынку і на доўгатэрміновым гарызонце ён можа стаць вышэйшым, але досыць працяглы час цалкам можа заставацца пад ціскам", - мяркуе фінансавы аналітык Nordea Bank Дзмітрый Саўчанка.

Падчас сённяшніх гандляванняў на біржы ICE кошт фьючарсных кантрактаў на пастаўку нафты маркі Brent у лютым 2015 года падаў да $45,19 за барэль. Аналітыкі ФГ БКС адносяць да ліку дадатковых рызык для рубля магчымасць далейшага зніжэння крэдытнага рэйтынгу РФ.

Нагадаем, яшчэ ў снежні агенцтва S&P паставіла рэйтынг Расеі на перагляд з "негатыўным" прагнозам, пастанова якрга можа быць абвешчаная ў канцы гэтага тыдня. Напярэдадні галоўны стратэг Sberbank CIB Кінгсміл Бонд папярэдзіў, што далейшае зніжэнне аб'ёму золатавалютных рэзерваў і паніка на валютным рынку могуць справакаваць новае паслабленне курсу рубля. З ягоных разлікаў, у выпадку стрэсавага сцэнару кошт амерыканскай валюты можа дасягнуць 78,8 руб.