Роскомнадзор вынес папярэджанні за заклікі да рэвалюцыі

Роскомнадзор накіраваў у аўторак пісьмовыя папярэджанні некалькім электронным СМІ, выявіўшы ў іх публікацыях заклікі да рэвалюцыі.

Як паведамляецца на сайце ведамства, папярэджанні атрымалі "Полит.Ру", "Бизнес Online", "BFM.ru" і "Медиазона", паведамляе BBC.

"Названыя электронныя перыядычныя выданні дапусцілі публікацыю матэрыялаў, якія змяшчаюць публічныя заклікі да змены асноў канстытуцыйнага ладу", - гаворыцца ў паведамленні Роскомнадзора.

Ведамства не ўдакладняе, за якія менавіта матэрыялы вынесеныя папярэджанні.