Уладзіміра Яроменка чакае яшчэ адзін суд

Палітвязня ў чарговы раз абвінавачваюць у парушэнні адбыцця прэвентыўнага нагляду.

Пра гэта Уладзімір Яроменак даведаўся, калі атрымаў позву з суда Першамайскага раёна Менска, піша сайт ПЦ «Вясна».

Некалькі дзён таму, 20 жніўня суд Першамайскага раёна Менска прысудзіў да 3 месяцаў арышту актывіста «Маладога фронту», прызнаўшы вінаватым у парушэнні правілаў прэвентыўнага нагляду (арт. 421 Крымінальнага кодэкса). Верагодна, супрацоўнікі крымінальна-выканаўчай інспекцыі палічылі гэтага недастатковым і накіравалі ў суд новыя матэрыялы.

Разгляд справы ў судзе Першамайскага раёна Менска пачнецца 28 жніўня ў 10:00 па адрасе Менск, вуліца Талбухіна, 9, кабінет 25.

Фота: «Радыё Свабода»