У медыкаў «добраахвотна» адбіраюць грошы на суботнік

Заўтра ў Беларусі на «добраахвотнай аснове» праводзіцца рэспубліканскі суботнік.

Лукашэнка асабіста распарадзіўся арганізаваць правядзенне 20 красавіка рэспубліканскага суботніка на працоўных месцах або ажыццявіць добраўпарадкаванне населеных пунктаў, мемарыяльных комплексаў, месцаў баявой і воінскай славы, пахаванняў воінаў і партызан Вялікай Айчыннай вайны, а таксама падрыхтоўку дзіцячых аздараўленчых лагераў да летняга сезона.

Палова сродкаў, заробленых падчас суботніка, будзе накіраваная на падрыхтоўку дзіцячых аздараўленчых лагераў да летняга сезона, у тым ліку на развіццё і ўмацаванне матэрыяльна-тэхнічнай базы, а таксама на рэалізацыю мерапрыемстваў па правядзенню ў 2013 годзе Года беражлівасці. Яшчэ 50% сродкаў пойдзе на набыццё спецыяльных аўтамабіляў хуткай медыцынскай дапамогі з поўнай камплектацыяй іх медыцынскай тэхнікай і іншым абсталяваннем, неабходным для правядзення рэанімацыйных мерапрыемстваў.

На справе, у беларусаў проста адбяруць частку жабрацкіх заробкаў на тое, што грамадзяне і так спаўна аплацілі праз падаткі. Як «суботнік» праводзіцца на месцах, можна здагадацца па аб'яве, якую даслаў чытач charter97.org.