Базавая арэндная велічыня вырасла ў 1,5 разы

З 1 красавіка 2013 года базавая арэндная велічыня складзе Br86 тысяч.

Такое рашэнне прынятае пастановай Савета Міністраў ад 13 сакавіка 2013 №172 «Аб устанаўленні памеру базавай арэнднай велічыні», паведамляе БелТА.

Пастанова прынятая ў адпаведнасці з указам ад 29 сакавіка 2012 года № 150 «Аб некаторых пытаннях арэнды і бязвыплатнага карыстання маёмасцю».

У цяперашні час базавая арэндная велічыня складае Br54 тысяч, яна дзейнічае з 1 красавіка 2012 года. Новы памер базавай арэнднай велічыні устанаўліваецца на падставе дадзеных Белстата аб індэксе спажывецкіх коштаў за 2012 год у параўнанні з 2011 годам.