Арцём Мілеўскі: Гэтыя вырадкі ў масках людзей забіваюць

Ураджэнец Беларусі, футбаліст Арцём Мілеўскі заклікае ўмяшацца ў бязмежжа, якое робіцца ва Украіне.

Пра гэта футбаліст напісаў на сваёй старонцы ў Instagram.

«Ды пачакайце вы Блахіна здымаць! Ва Украіне людзей забіваюць гэтыя вырадкі ў масках, бязмежжа дзеюць: трэба думаць, як спыніць гэта ўсё. А «Дынама» ў гэтым годзе засталося правесці два матчы, якія яно выйграе. У чэмпіянаце «Днепр» і «Металіст» страцілі ачкі. Засталося выйграць у «Севастопаля» і «Рапіда», і потым усе будуць задаволеныя», - напісаў ён.

Нагадаем, на віленскім саміце Усходняга партнёрства 28-29 лістапада прэзідэнт Віктар Януковіч не падпісаў Пагадненне аб асацыяцыі Украіны з ЕЗ. Кіеў прапанаваў Брусэлю прыцягнуць Расею да абмеркавання палажэнняў пагаднення. Еўрачыноўнікі пакуль на такую прапанову не пагаджаюцца.

Жыхары краіны ўжо адказалі на зрыў падпісання пагаднення беспрэцэдэнтнай акцыяй пратэсту. Яна праходзіць па ўсёй Украіне ўжо другі тыдзень і б'е рэкорды колькасці ўдзельнікаў падзей 2004 года. Кульмінацыяй акцыі, якую ўжо называюць «еўрарэвалюцыяй», былі ўчорашнія падзеі ў Кіеве. У мірнай акцыі на Майдане Незалежнасці прынялі ўдзел ад 500 да 700 тысяч чалавек. Каля рэзідэнцыі Януковіча адбыліся сутыкненні, справакаваныя некалькімі сотнямі невядомых хуліганаў у масках. Апазіцыя асудзіла правакатараў і заявіла пра працяг акцыі. Сёння ва Украіне намечаны пачатак агульнанацыянальнай забастоўкі.

Фота: Getty Images