Крысціян Хольм узначаліў рабочую групу ПА АБСЕ па Беларусі

Дэпутат шведскага парламента паабяцаў працягнуць працаваць для дэмакратычных перамен у нашай краіне.

Пра гэта Крысціян Хольм напісаў у сваім акаўнце ў сацыяльнай сетцы «Фэйсбук».

«Я рады свайму прызначэнню на пасаду кіраўніка рабочай групы Парламенцкай асамблеі АБСЕ. Цяпер мы працягнем працу для свабоднай, дэмакратычнай і адкрытай Беларусі», - паведаміў ён.

Крысціян Хольм з'яўляецца дэпутатам парламента Швецыі ад партыі Moderaterna. Раней ён неаднаразова выступаў у падтрымку беларускіх дэмакратычных актывістаў.