«Белнафтахім» пацвердзіў: бензін даражэе
72- 14.03.2012, 0:21
Канцэрнам «Белнафтахім» зацверджаныя новыя адпускныя і рознічныя кошты на нафтапрадукты.
Рознічныя кошты бензіну і дызельнага паліва, якія рэалізуюцца праз АЗС, павялічыліся ў сярэднім на 5 адсоткаў і з 14 сакавік 2012 складаюць за 1 літр:
бензін Нармаль-80 - 5700 рублёў (было 5400),
бензін АІ-92 - 6000 рублёў (5700),
бензін АІ-95 - 6450 рублёў (6100),
дызельнае паліва - 6600 рублёў (6300).
«Перагляд коштаў на нафтапрадукты здзейсены ў сувязі ростам катыровак кошту нафты ў сакавіку 2012 года ў параўнанні са снежнем 2011 года на 17 адсоткаў, а таксама ў мэтах паэтапнага збліжэння коштаў тавараў у краінах Мытнага саюза і павышэння эфектыўнасці працы беларускіх нафтаперапрацоўчых заводаў», заяўляюць у прэс-службе канцэрна.
«Дзеючыя рознічныя кошты на нафтапрадукты (з улікам павелічэння) застаюцца ніжэйшымі за ўзровень аналагічных коштаў у Расейскай Федэрацыі на 18 - 25%», лічаць у «Белнафтахіме».
