Віцебскім чыноўнікам захацелася гламура

Чыноўнікі з віцебскага аблвыканкама хочуць купіць 3 аўтамабіля Skoda Superb са скураным салонам Glamour.

Віцебскі абласны выканаўчы камітэт размясціў заяўку на куплю трох легкавых аўтамабіляў арыентыровачным коштам $ 55 тыс. кожны на афіцыйным сайце Нацыянальнага цэнтра маркетынгу і кан'юнктуры коштаў. Зыходзячы з апісання патрабаванняў да транспартнага сродку, можна выказаць здагадку, што чыноўнікаў цікавіць паўнапрывадны аўтамабіль Skoda Superb 4X4 3.6 FSI колеру чорны металік, піша onliner.by.

У якасці абавязковых патрабаванняў да аўтамабіля ў заяўцы згадваюцца: 6-цыліндравы рухавік 3.6 FSI, лёгкасплаўныя 16 - ці 17-цалевыя дыскі, поўны прывад, пакет абсталявання для дрэнных дарог, цёмнае таніраванае задняе шкло, круіз-кантроль, камфорт-пакет для курцоў, а таксама салон Glamour (гладкая скура) з аздабленнем Noblese (пад дрэва).

Конкурсныя дакументы плануецца прымаць аж да 17 кастрычніка 2012 года - даты правядзення канчатковых таргоў. У якасці крыніцы фінансавання закупкі паказаны абласны бюджэт.

Цікава, што заяўка на набыццё аўтамабіляў была размешчана праз 6 дзён пасля нарады ў Аляксандра Лукашэнкі, на якой ён даў даручэнне кантралюючым органам пільна сачыць за даходамі і расходамі беларусаў.

Захапленне дарагімі аўтамабілямі - не рэдкасць сярод беларускіх чыноўнікаў. За апошні час пачасціліся выпадкі, калі чыноўнікі купляюць дарагія аўтамабілі за кошт бюджэту.