За распыленне газавага балончыка ў транспарце - 3 сутак

Хуліган атрымаў трое сутак арышту за распыленне газавага балончыка ў менскім аўтобусе.

Аб гэтым карэспандэнту БелТА паведамілі ў РУУС Фрунзенскага раёна сталіцы.

18 студзеня на задняй пляцоўцы гарадскога аўтобуса, які рухаўся па 101-м маршруце, невядомы ўтоена распыліў газавы балончык. Па прыкметах, названых пасажырамі, на вуліцы Адоеўскага ён быў затрыманы. Хуліганам апынуўся 21-гадовы хлопец, раней судзімы за махлярства. Па ягоных словах, балончык ён набыў на рынку ў Ждановічах і той так і ляжаў у яго ў кішэні. Матываў свайго ўчынку затрыманы назваць не змог, тлумачыў тое, што адбылося алкагольным ап'яненнем.

Суд Фрунзенскага раёна прысудзіў затрыманага да трох сутак арышту.

Гэта ўжо другі такі выпадак у сталічным грамадскім транспарце. Раней паведамлялася, што ўвечары 12 студзеня ў адным з вагонаў менскага метро быў таксама распылены газ. Пры гэтым на станцыі метро, ​​дзе стаяў вагон у момант распылення газу, знаходзілася група школьнікаў - вучняў трэцяга класа. Іхняе самаадчуванне пагоршылася. Чацвёра дзяцей былі дастаўлены ў лякарню. Па гэтым факце праводзіцца праверка.