Расея ўпэўненая, што Беларуськалій возьме крэдыт

Крэдытны камітэт Сбербанка ўгоду ўжо ўхваліў. Але тэрмінаў падпісання дамовы ні банкі, ні беларускі бок не называлі.

Афіцыйнай адмовы ад крэдыту Ашчадбанк не атрымліваў, паведаміў ягоны прадстаўнік. Кіраўнік прэс-службы ўрада Беларусі Аляксандр Цімашэнка на тэлефанаванні не адказваў, супрацоўнік прэс-службы казаць аб крэдыце «Беларуськалію» адмовіўся, перадае «Інтэрфакс-Захад».

Прадпрыемства возьме крэдыт на ўмовах расейскага боку - больш ім ніхто такую ​​суму даць не зможа, упэўненая блізкая да Сбербанка крыніца. Перамоваў аб змене ўмоваў пазыкі пакуль не было, дадае ён. Зрэшты, учора «Беларуськалій» прадэманстраваў магчымасці знаходзіць грошы без дапамогі Расеі. Кампанія заняла $ 300 млн у Азербайджана на ўмовах, якія яе «цалкам задавальняюць», то бок без залогу акцый, распавёў прадстаўнік «Беларуськалія». Гарантыю па крэдыце прадаставіў урад Беларусі, перадае «Інтэрфакс». «Беларуськалій» на азербайджанскія грошы купіў дзяржаблігацыі краіны, сказаў Кірыенка.

Заклад акцый быў бы гарантыяй таго, што пакет «Беларуськалія» не дастанецца індыйскім альбо кітайскім кампаніям, распавялі «Ведомостям» крыніца, блізкая да акцыянераў «Уралкалія», і супрацоўнік аднаго з дзяржбанкаў. У Індыі сваёй сыравіны няма, уласная вытворчасць у Кітаі пакрывае толькі палову запатрабаванняў, а абедзве краіны - найбуйнейшыя спажыўцы калія. Калі яны атрымаюць доступ да аднаго з найбуйнейшых вытворцаў калію («Беларуськалій» - чацвёрты ў свеце), то першае, чаго варта чакаць, - зніжэння коштаў, кажа аналітык «Инвесткафе» Анастасія Саснова. Індыя гатова купіць 20-25% «Беларуськалія» за $6-7 млрд, паведамляла мясцовая газета Mint.

Беларусі не павінная прадаваць пакет «Беларуськалія» Індыі, заявіў учора Кірыенка: «Гэта няправільна, калі той, хто купляе прадукцыю, з'яўляецца ўладальнікам уласнасці». Ці значыць гэта, што на пакет знайшоўся іншы пакупнік, прадстаўнік прадпрыемства не кажа. Раней «Беларуськаліем» цікавіўся асноўны ўладальнік «Уралкалія» Сулейман Кярымаў. Ці захоўваецца цікавасць цяпер, прадстаўнік Nafta Moskva не сказаў.