Намеснік міністра эканомікі далажыў аб новым сусветным рэкордзе
61- 3.06.2011, 11:59
Дэвальвацыя, аналагічная беларускай, была за апошнія 20 гадоў толькі ў адной дзяржаве.
«Такая дэвальвацыя, як у нас, за 20 гадоў была толькі ў адной дзяржаве. Гэта другі выпадак у сусветнай эканоміцы», - заявіў намеснік міністра эканомікі Беларусі Андрэй Тур, выступаючы ў пятніцу ў Менску на пазачарговым пасяджэнні Нацыянальнага савета па працоўных і сацыяльных пытаннях, перадаюць беларускія інфармагенцтвы.
А. Тур таксама канстатаваў, што з канца першага квартала эканоміка Беларусі перанесла «два найцяжкіх шоку». Намеснік міністра растлумачыў, што гаворка ідзе аб рэзкім падвышэнні кошту імпарту энергарэсурсаў і дэвальвацыі нацыянальнай валюты на 56%.
