У Менску складаюць спіс катэджаў, якія будуць аплочваць 100% ЖХК

У Менску спіс жылых дамоў сядзібнай забудовы плошчай больш за 200 кв.м, па якіх плата за камунальныя паслугі будзе налічацца па сабекошце, будзе зацверджаны да 1 чэрвеня.

Пра гэта паведаміў генеральны дырэктар ДВА «Менская гарадская жыллёвая гаспадарка» Уладзімір Реянтовіч сёння на аператыўнай нарадзе ў Менгарвыканкаме.

Зараз у сталіцы налічваецца каля 8,5 тыс. індывідуальных жылых дамоў. У бліжэйшы час спецыялісты адміністрацый раёнаў абследуюць катэджы і складуць спісы дамоў з плошчай больш за 200 тыс.кв.м. «Да 1 чэрвеня неабходна скласці спісы, інфармаваць насельніцтва і пастаўшчыкоў камунальных паслуг», - сказаў Уладзімір Реянтовіч.

З 1 чэрвеня бягучага года згодна з пастановай Саўміна № 639 плата за камунальныя паслугі з грамадзян, якія пражываюць у сядзібных жылых дамах павышанай камфортнасці, будзе спаганяцца па ўсталяваных заканадаўствам тарыфах, якія забяспечваюць поўнае пакрыццё эканамічна абгрунтаваных затрат на аказанне гэтых паслуг, паведамляе БелТА.

Да сядзібных жылых дамоў павышанай камфортнасці адносяцца дамы з агульнай плошчай жылых памяшканняў больш за 200 кв.м, забяспечаныя гаспадарча-пітным і гарачым водазабеспячэннем, каналізацыяй, ацяпленнем і вентыляцыяй і г.д. Па папярэдняй ацэнцы, у цяперашні час у Беларусі каля 10% усіх сядзібных жылых дамоў з'яўляюцца дамамі павышанай камфортнасці.

Дзеючыя ў цяперашні час тарыфы на ЖКП для насельніцтва ўстаноўленыя пастановай урада № 1942 ад 16 снежня 2008 года. У тым ліку на халоднае водазабеспячэнне тарыф устаноўлены на ўзроўні Br 385,7 за 1 куб.м (поўнае пакрыццё выдаткаў на гэтую паслугу складае Br 860 за 1 куб.м), на водаадвядзенне - Br 242 за 1 куб.м (поўнае пакрыццё - Br 684,3).

Паводле ацэнак, увядзенне ў Беларусі платы за жыллёва-камунальныя паслугі па сабекошце для сядзібнага жылля павышанай камфортнасці дазволіць зэканоміць каля Br 10 млрд. бюджэтных сродкаў.