Праваабаронцам адмаўляюць у назіранні за «выбарамі»
2- 9.03.2010, 9:12
Прадстаўніку «Беларускага Хельсінкскага камітэта» у Салігорску Леаніду Мархотку раённая камісія адмовіла ў акрэдытацыі ў якасці назіральніка.
Праваабаронца падаў у камісію адпаведную выпіску з пратаколу паседжання Савета грамадскага аб'яднання, але ў выніку атрымаў афіцыйную адмову, паведамляюць «Праваабаронцы за свабодныя выбары». Варта адзначыць, што па аналагічных дакументах аб накіраванні назіральніка ў Слуцку прадстаўнік БХК Віталь Амяльковіч атрымаў станоўчы адказ.
Праваабаронца не збіраецца спыняць спробы зарэгістравацца назіральнікам у раённай камісіі і мае намер сабраць 10 подпісаў выбаршчыкаў, каб атрымаць акрэдытацыю.
Дарэчы, салігорскі моладзевы актывіст Іван Шыла быў зарэгістраваны назіральнікам у Салігорскай раённай камісіі толькі з другой спробы. Атрымаўшы адмову ў рэгістрацыі, ён паўторна сабраў неабходную колькасць подпісаў выбаршчыкаў.
