Кіраўніком назіральнікаў АБСЕ стаў брытанскі парламентарый Тоні Лойд
11- 2.12.2010, 17:15
Менавіта ён на прэс-канферэнцыі 20 снежня 2010 года ў Менску абвесціць папярэдняе заключэнне АБСЕ па правядзенні прэзідэнцкіх выбараў у Беларусі.
Групу кароткатэрміновых назіральнікаў АБСЕ на прэзідэнцкіх выбарах у Беларусі ўзначаліць чалец брытанскай дэлегацыі ў Парламенцкай асамблеі АБСЕ Тоні Лойд, перадае БелаПАН.
Дадзенае прызначэнне ўхваліў міністр замежных спраў старшыні ў АБСЕ Казахстана Канат Саўдабаеў.
Акрамя таго, Лойд таксама будзе з'яўляцца кіраўніком місіі кароткатэрміновых назіральнікаў ад ПА АБСЕ.
Нагадаем, у сярэдзіне лістапада ў Беларусь ужо прыбыло больш за 40 доўгатэрміновых назіральнікаў БДІПЧ АБСЕ пад кіраўніцтвам Герта Хінрыха Арэнса.
Плануецца, што ў якасці кароткатэрміновых назіральнікаў ад АБСЕ сачыць за ходам выбараў будзе каля 400 чалавек.
