Пуцін сайту Хартыі: Лукашэнка – не дыктатар
93- 1.09.2009, 13:40
Прэм’ер-міністр Расеі Уладзімір Пуцін адказаў на пытанне журналіста www.charter97.org падчас прэс-канферэнцыі па выніках перамоў з прэм’ер-міністрам Польшчы Дональдам Тускам.
Перамовы двух прэм’ер-міністраў прайшлі ў польскім горадзе Сопат, дзе Уладзімір Пуцін удзельнічае ў мерапрыемствах, прымеркаваных да 70-х угодак пачатку Другой сусветнай вайны.
Наш журналіст задаў Уладзіміру Пуціну пытанне: «Ва ўсім свеце Лукашэнку лічаць апошнім дыктатарам Еўропы. Колькі яшчэ Расея збіраецца фінансаваць дыктатара і працягваць пакуты беларускага народа? Чаму Расея падтрымлівае дыктатарскія рэжымы і не дапамагае дэмакратычным сілам?»
На гэта прэм’ер-міністр Расеі адказаў: «Вашае пытанне не карэктнае, таму што спадар Лукашэнка абраны прамым таемным галасаваннем беларускага народа, і мы заўжды маем справу з дзеючай уладай. Мы ніколі не займаемся падтрымкай неканстытуцыйных працэсаў на тэрыторыі той ці іншай краіны, асабліва на тэрыторыі былога СССР.
Дэмакратыі ў нашых краінах з’яўляюцца слабымі, палітычная сістэма не ўстаялася, а прававы рэжым дастатковы нявызначаны. І ў гэтай сітуацыі стабільнасць важней за ўсё».
