НА МАКД перавярнуўся цэментавоз (Фота)
9- 18.08.2009, 9:12
Аварыя з удзелам цэментавоза адбылася на менскай кальцавой аўтадарозе ў раёне ДС Ангарская-4.
Як паведамілі «Інтэрфаксу» інспектары ДАІ, якія прыбылі на месца здарэння, перад цэментавозам, што рухаўся па МКАД, на кальцавую з другараднай дарогі выехаў мікрааўтобус.
Кіроўца грузавіка вымушаны быў ужыць экстранае тармажэнне. У выніку адбылося блакаванне колаў, шматтонны грузавік урэзаўся ў падзяляльную агароджу, перавярнуўся і вываліўся на сустрэчную паласу.
Пры гэтым пацярпеў легкавы аўтамабіль, які рухаўся ў спадарожным накірунку. Кіроўца грузавіка абышоўся лёгкім спалохам і невялікімі ранкамі.
