Беларусь - першая па тэмпах росту курсу даляра

Па выніках першага паўгоддзя Беларусь заняла першае месца сярод краінаў былога СССР па тэмпах росту афіцыйнага курсу даляра ЗША да нацыянальнай валюты.

Як паведамляе БелаПАН, Беларусь саступіла лідэрства толькі ў траўні — на першае месца выйшаў Таджыкістан, валюта якога тады абясцэнілася больш.

У студзені—чэрвені афіцыйны курс даляра ў Беларусі вырас на 28,95% (з 2.200 да 2.837 рублёў), у Таджыкістане — на 27,47% (з 3,4519 да 4,4 самані), у Казахстане — на 24,54% (са 120,77 да 150,41 тэнге), у Арменіі — на 17,39% (з 306,73 да 360,06 драма), у Кыргызтане — 9,8% (з 39,4181 да 43,281 сома). Далей ідуць Малдова — 8,11% (з 10,4002 да 11,2435 лея), Расея — 6,501% (з 29,3804 да 31,2904 рубля), Узбекістан — 6,497% (з 1.393 да 1.483,5 торба), Латвія — 1,21% (з 0,495 да 0,501 лата), Літва — 0,55% (з 2,4507 да 2,4643 літа) і Азербайджан — 0,39% (з 0,801 да 0,8041 маната). Не змяніўся курс у Туркменістане (2,85 маната).

У Эстоніі афіцыйны курс даляра знізіўся на 0,05% (з 11,1052 да 11,0996 кроны), у Грузіі — на 0,55% (с 1,667 да 1,6579 лары), ва Украіне — на 0,91% (з 7,7 да 7,6303 грыўны). У самаабвешчанай Прыднястроўскай Малдаўскай Рэспубліцы (ПМР), дзе маецца свая валюта, курс даляра вырас на 6,24% (з 8,4715 да 9 рублёў). Курс даляра да беларускага рубля ў чэрвені вырас на 2,05%. Гэта самы высокі паказчык сярод краінаў былога СССР.

У першай пяцёрцы таксама Узбекістан (1,15%), Расея (0,99%), Грузія (0,78%) і Таджыкістан (0,59%). Меньшымі тэмпамі амерыканская валюта даражэла ў Малдове (0,25%), Украіне (0,15%), Азербайджане і Кыргызтане (па 0,06%). Патаннеў даляр у Казахстане (на 0,02%), Эстоніі (на 0,55%), Літве (на 1,27%), Латвіі (на 1,38%) і Арменіі (на 2,76%). Не змяніўся курс у Туркменістане.