Мытня пераглядзела пошліны: персікі, грушы і бананы патаннеюць (Абноўлена)

Беларуская мытня пераглядзела пошліны на шэраг найменняў гародніны і садавіны, якія імпартуюцца ў нашу краіну.

Па словах супрацоўніка адной з фірмаў, якая займаецца аптовымі закупамі гародніны і садавіны за мяжой і ўвозам яе ў Беларусь, новыя мытныя індыкатывы пачалі дзейнічаць з панядзелка, перадае «Еўрарадыё».

«З панядзелка па 9 з 10 пазіцый набылі сілу новыя індыкатыўныя расцэнкі, якія больш адлюстроўваюць рэальную карціну, а не нейкія незразумелыя думкі мытнага камітэта. Гэта датычыцца бананаў, груш, персікаў, вінаграда, часныку».

Індыкатыў - гэта фіксаваная велічыня, ад якой залежыць увазная пошліна на некаторыя імпартныя прадукты. Звычайна індыкатыў вышэйшы за закупныя кошты, і пошліна атрымліваецца вельмі вялікая. Імпарцёр уключае яе ў кошт, па якой гародніну і садавіну купляюць дробныя аптавікі і крамы. Такім чынам, вельмі вялікая пошліна ўплывае на нацэнкі, якія робяць прадаўцы, і гародніна і садавіна становяцца яшчэ даражэйшымі.